أخبارنا

نداء الى الشعب المصرى

7 يوليو 2011 ..
بقلم – رامى صلاح الدين -
نداء حيران .. نرجو من الشعب "النسيان" وعدم التفكير فى اللى كان ..لأنه مش هيرجّع الزمان، ولا هيتغيَّر المكان ..بس إحنا عاوزين الآن .. نبص بعين الأمان .. يا شعب يا حيران، ما تخليش حد يضحك عليك زى زمان.. وبص شوية للأمام.. وهو ده صمام الأمان، وإدّى صوتك للجدعان اللى يدفعوك للأمام .. وكده مصر فى الأمان وهنعدّى بحر الأحزان، وهنحب بعض كمان.. يا سلام على الإنسان لو عرف معنى الحب والأمان و الرزق على الرحمن .. مش فهلوة ولا حداقة ولا تسلق على الجدران.. دى أمانة فى إيدك يا إنسان .. وسيبها على "الرحمن" هيزيدك كمان و كمان، وهيخلى ليك مكان وكيان وكلمة وسط الجدعان، وانشر الوعي بين الجيران.. والأهل والجدعان.. وماتبخلش بمعلومة على حد مهما كان واعتبره من الإحسان وده نداء بسيط من إنسان !! .

ليست هناك تعليقات